ᱥᱟᱱᱛᱟᱞᱤ ᱣᱤᱠᱤᱯᱤᱰᱤᱭᱟ ᱮᱭᱟᱭ ᱥᱮᱨᱢᱟ ᱯᱩᱨᱟᱹᱣᱮᱱᱟ ᱱᱤᱛ ᱵᱮᱱᱟᱣᱮᱱᱟ ᱜᱮᱭᱟᱱ ᱨᱮᱭᱟᱜ ᱠᱷᱟᱡᱟᱱᱟ

ᱥᱟᱱᱛᱟᱞᱤ ᱣᱤᱠᱤᱯᱤᱰᱤᱭᱟ ᱮᱭᱟᱭ ᱥᱮᱨᱢᱟ ᱯᱩᱨᱟᱹᱣᱮᱱᱟ ᱱᱤᱛ ᱵᱮᱱᱟᱣᱮᱱᱟ ᱜᱮᱭᱟᱱ ᱨᱮᱭᱟᱜ ᱠᱷᱟᱡᱟᱱᱟ 

ᱥᱟᱱᱛᱟᱞᱤ ᱣᱤᱠᱤᱯᱤᱰᱤᱭᱟ ᱟᱹᱫᱤᱢ ᱯᱟᱹᱨᱥᱤ ᱛᱮ ᱜᱮᱭᱟᱱ

ᱥᱟᱱᱛᱟᱲᱤ ᱣᱤᱠᱤᱯᱤᱰᱤᱭᱟ ᱒ ᱟᱜᱟᱥᱛ ᱒᱐᱑᱘ ᱦᱤᱞᱚᱜ ᱜᱩᱜᱟᱹᱞ ᱫᱩᱱᱤᱭᱟᱹ ᱨᱮ ᱡᱚᱡᱟᱣ ᱞᱮᱱ ᱛᱟᱦᱮᱸᱠᱟᱱᱟ ᱟᱨ ᱱᱤᱛᱟᱹᱝ ᱚᱠᱛᱮ ᱱᱚᱣᱟ ᱨᱮ ᱑᱓᱕᱐᱐+ ᱠᱷᱚᱱ ᱡᱟᱹᱥᱛᱤ ᱚᱱᱚᱞᱠᱳ ᱢᱮᱱᱟᱜᱼᱟ᱾ 
- ᱱᱚᱣᱟ ᱥᱟᱱᱛᱟᱞᱤ ᱣᱤᱠᱤᱯᱤᱰᱤᱭᱟ ᱟᱛᱮ ᱱᱚᱣᱟ ᱥᱟᱱᱛᱟᱞᱤ ᱯᱟᱹᱨᱥᱤ ᱟᱨ ᱞᱟᱠᱪᱟᱨ ᱡᱚᱜᱟᱣ ᱫᱚᱦᱚᱭ ᱟᱨ ᱯᱟᱥᱱᱟᱣ ᱨᱮᱭᱟᱜ ᱢᱤᱫ ᱡᱟᱹᱨᱩᱲᱟᱹᱱ ᱡᱟᱭᱜᱟ ᱠᱟᱱᱟ, ᱚᱠᱟ ᱫᱚ ᱥᱟᱱᱛᱟᱞ ᱜᱟᱛᱟᱠ ᱨᱮᱱ ᱞᱟᱹᱜᱤᱫ ᱮᱢᱟᱱ ᱞᱮᱠᱟᱱ ᱜᱮᱭᱟᱱᱮ ᱥᱮᱴᱮᱨ ᱳᱪᱳᱭᱟ᱾ 

- ᱱᱚᱣᱟ ᱵᱷᱟᱨᱟᱛ ᱨᱮᱭᱟᱜ ᱯᱟᱹᱦᱤᱞ ᱟᱹᱫᱤᱢ ᱯᱟᱹᱨᱥᱤ ᱠᱟᱱᱟ ᱚᱠᱟ ᱫᱚ ᱥᱟᱱᱛᱟᱞᱤ ᱯᱟᱹᱨᱥᱤ ᱛᱮ ᱣᱤᱠᱤᱯᱤᱰᱤᱭᱟ ᱢᱮᱱᱟᱜ ᱟᱠᱟᱫᱟ, ᱚᱠᱟ ᱫᱚ ᱚᱞᱪᱤᱠᱤ ᱟᱠᱷᱚᱨ ᱛᱮ ᱥᱟᱱᱛᱟᱞᱤ ᱯᱟᱹᱨᱥᱤ ᱚᱞᱚᱜ ᱠᱟᱱᱟ᱾

- ᱮᱱᱮᱢᱤᱭᱟᱹᱠᱳ ᱟᱥᱚᱞ ᱫᱚ ᱵᱷᱟᱨᱟᱛ, ᱵᱟᱝᱜᱽᱞᱟ ᱫᱤᱥᱚᱢ ᱟᱨ ᱱᱮᱯᱟᱞ ᱠᱳᱨᱮ ᱠᱷᱚᱱ ᱢᱮᱱᱟᱜ ᱠᱳᱣᱟ, ᱟᱨ ᱱᱚᱣᱟ ᱨᱮ ᱡᱚᱛᱚ ᱠᱳ ᱢᱮᱥᱟ ᱠᱟᱛᱮ ᱟᱨ ᱞᱟᱠᱪᱟᱨ ᱠᱳ ᱞᱟᱦᱟᱭ ᱨᱮᱭᱟᱜ ᱠᱳ ᱠᱟᱹᱢᱤ ᱠᱟᱱᱟ᱾ 

ᱥᱟᱱᱛᱟᱞᱤ ᱣᱤᱠᱤᱯᱤᱰᱤᱭᱟ ᱪᱮᱫ ᱠᱟᱱᱟ?

ᱥᱟᱱᱛᱟᱞᱤ ᱣᱤᱠᱤᱯᱤᱰᱤᱭᱟ ᱺ- ᱣᱤᱠᱤᱯᱤᱰᱤᱭᱟ ᱨᱮᱭᱟᱜ ᱢᱤᱫ ᱥᱟᱸᱥᱠᱟᱨᱟᱱ ᱠᱟᱱᱟ, ᱚᱠᱟ ᱫᱚ ᱥᱟᱱᱛᱟᱞᱤ ᱯᱟᱹᱨᱥᱤ ᱛᱮ ᱯᱷᱨᱤ ᱟᱨ ᱯᱟᱹᱛᱤᱭᱟᱹᱣ ᱞᱮᱠᱟᱱᱟᱜ ᱚᱱᱚᱞᱮ ᱥᱚᱫᱚᱨᱮᱫᱟ᱾ ᱱᱚᱣᱟ ᱫᱚ ᱒ ᱟᱜᱟᱥᱛ ᱒᱐᱑᱘ ᱦᱤᱞᱚᱜ ᱡᱚᱡᱟᱣ ᱞᱮᱱᱟ ᱟᱨ ᱱᱤᱛᱚᱜ ᱚᱠᱛᱮ ᱱᱚᱣᱟ ᱨᱮ ᱑᱒᱕᱐᱐+ ᱠᱷᱚᱱ ᱡᱟᱹᱥᱛᱤ ᱚᱱᱚᱞᱠᱳ ᱢᱮᱱᱟᱜᱼᱟ᱾ ᱱᱚᱣᱟ ᱨᱮ ᱫᱚ ᱚᱞᱪᱤᱠᱤ ᱟᱛᱮ ᱚᱞ ᱢᱮᱱᱟᱜᱼᱟ, ᱚᱠᱟ ᱫᱚ ᱥᱟᱱᱛᱟᱞᱤ ᱯᱟᱹᱨᱥᱤ ᱞᱟᱹᱜᱤᱫ ᱜᱮ ᱰᱤᱡᱟᱭᱤᱱ ᱥᱮ ᱵᱮᱱᱟᱣ ᱟᱠᱟᱱᱟ᱾ 

ᱱᱚᱣᱟ ᱨᱮᱭᱟᱜ ᱫᱤᱥᱟᱹ ᱩᱫᱩᱜ ᱟᱨ ᱢᱚᱦᱚᱛ

ᱱᱚᱣᱟ ᱨᱮᱭᱟᱜ ᱟᱥᱚᱞ ᱫᱤᱥ ᱦᱩᱫᱤᱥ ᱫᱚ ᱥᱟᱱᱛᱟᱞᱤ ᱜᱟᱛᱟᱠ ᱨᱮᱱ ᱦᱚᱲᱠᱳ ᱦᱟᱹᱵᱤᱡ ᱟᱯᱱᱟᱨ ᱯᱟᱹᱨᱥᱤ ᱢᱮᱱᱫᱚ ᱟᱯᱱᱟᱨ ᱜᱚᱜᱚ ᱯᱟᱹᱨᱥᱤ ᱛᱮ ᱜᱮᱭᱟᱱᱮ ᱮᱢᱚᱜᱼᱟ, ᱥᱤᱠᱷᱱᱟᱹᱛ ᱛᱮ ᱞᱟᱦᱟᱜᱼᱟ ᱟᱨ ᱚᱱᱟ ᱨᱮᱭᱟᱜ ᱞᱟᱠᱪᱟᱨ ᱠᱳ ᱡᱚᱜᱟᱣ ᱛᱟᱦᱮᱱᱟ᱾ ᱱᱚᱣᱟ ᱵᱷᱟᱨᱟᱛ ᱨᱮᱭᱟᱜ ᱟᱭᱢᱟ ᱯᱟᱹᱨᱥᱤ ᱠᱳ ᱥᱟᱶᱛᱮ ᱢᱮᱥᱟ ᱠᱟᱛᱮᱼᱮ ᱠᱟᱹᱢᱤᱭᱟ ᱟᱨ ᱥᱟᱱᱛᱟᱞ ᱦᱚᱲᱠᱳ ᱰᱤᱡᱤᱴᱟᱞ ᱡᱩᱜᱽ ᱥᱮ ᱫᱩᱱᱤᱭᱟᱹ ᱥᱟᱶᱮ ᱡᱳᱟᱲᱟᱣᱮᱫ ᱠᱳᱣᱟ᱾ 

ᱮᱱᱮᱢ ᱟᱨ ᱥᱟᱶᱛᱟ 

ᱱᱚᱣᱟ ᱨᱮ ᱮᱱᱮᱢᱤᱭᱟᱹᱠᱳ ᱵᱷᱟᱨᱟᱛ ᱵᱟᱝᱜᱽᱞᱟ ᱫᱤᱥᱚᱢ ᱟᱨ ᱱᱮᱯᱟᱞ ᱠᱷᱚᱱ ᱥᱟᱱᱛᱟᱞᱤ ᱯᱟᱹᱨᱥᱤ ᱨᱚᱼᱨᱚᱲᱟᱱᱠᱳᱠᱳ ᱠᱟᱹᱢᱤ ᱠᱟᱱᱟ᱾ ᱣᱤᱠᱤᱢᱤᱰᱤᱭᱟᱱᱥ ᱳᱯᱷ ᱥᱟᱱᱛᱟᱞᱤ ᱞᱮᱝᱜᱽᱣᱮᱡᱽ ᱭᱩᱡᱟᱨ ᱜᱽᱨᱩᱯ ᱱᱚᱣᱟ ᱠᱟᱹᱢᱤ ᱨᱮ ᱥᱟᱱᱛᱟᱞᱤ ᱯᱟᱹᱨᱥᱤ ᱚᱞᱪᱤᱠᱤ ᱟᱠᱷᱚᱨ ᱟᱛᱮ ᱞᱟᱦᱟᱭ ᱞᱟᱹᱜᱤᱫ ᱠᱳ ᱫᱷᱩᱨᱟᱹᱣ ᱟᱠᱟᱱᱟ, ᱟᱨ ᱛᱟᱞᱟ-ᱛᱟᱞᱟ ᱨᱮ ᱣᱟᱨᱠᱥᱳᱯ ᱠᱟᱹᱢᱤ ᱦᱚᱨᱟ ᱟᱨ ᱮᱰᱤᱴ-ᱟ-ᱛᱷᱚᱱ ᱠᱟᱹᱢᱤ ᱦᱚᱨᱟ ᱠᱳ ᱦᱩᱭᱩᱜ ᱛᱮᱜᱮ ᱛᱟᱦᱮᱱ ᱠᱟᱱᱟ᱾

ᱯᱩᱨᱟᱹ ᱥᱟᱨᱵᱷᱮ ᱵᱟᱰᱟᱭ ᱡᱚᱝ: ᱥᱟᱱᱛᱟᱞᱤ ᱣᱤᱠᱤᱯᱤᱰᱤᱭᱟ ᱨᱮ ᱜᱟᱹᱦᱤᱨ ᱵᱟᱰᱟᱭ ᱟᱨ ᱜᱟᱞᱚᱪ

ᱥᱟᱱᱛᱟᱞᱤ ᱣᱤᱠᱤᱯᱤᱰᱤᱭᱟ, ᱚᱠᱟ ᱫᱚ ᱒ ᱟᱜᱟᱥᱛ ᱒᱐᱑᱘ ᱦᱤᱞᱚᱜ ᱡᱚᱡᱟᱣᱮᱱᱟ, ᱢᱤᱫ ᱡᱟᱹᱨᱩᱲᱟᱹᱱ ᱰᱤᱡᱤᱴᱟᱞ ᱠᱟᱹᱢᱤ ᱚᱨᱡᱚ ᱠᱟᱱᱟ ᱚᱠᱟ ᱫᱚ ᱥᱟᱱᱛᱟᱞᱤ ᱯᱟᱹᱨᱥᱤ ᱟᱨ ᱥᱟᱱᱛᱟᱞ ᱜᱟᱛᱟᱠ ᱨᱮᱭᱟᱜ ᱞᱟᱠᱪᱟᱨ ᱟᱨ ᱥᱤᱠᱷᱱᱟᱹᱛ ᱡᱟᱹᱨᱩᱲᱟᱹᱱ ᱞᱮᱠᱟᱱᱟᱜ ᱠᱳᱭ ᱯᱩᱨᱟᱹᱣᱮᱫᱟ᱾ ᱱᱚᱣᱟ ᱠᱷᱚᱵᱚᱨ ᱱᱭᱩᱡᱽ ᱯᱮᱯᱟᱨ ᱨᱮᱭᱟᱜ ᱞᱮᱠᱟᱛᱮ ᱢᱚᱧᱡᱽ ᱛᱮ ᱠᱷᱚᱵᱚᱨ ᱠᱳ ᱥᱚᱫᱚᱨ ᱟᱠᱟᱱᱟ, ᱚᱠᱟ ᱫᱚ ᱡᱚᱛᱚ ᱞᱮᱠᱟᱱᱟᱜ ᱠᱟᱛᱷᱟ ᱠᱳ ᱞᱟᱹᱭ ᱥᱚᱫᱚᱨ ᱥᱮᱞᱮᱫ ᱟᱠᱟᱱᱟ᱾

ᱵᱟᱰᱟᱭ ᱟᱨ ᱥᱟᱛᱟᱢ 

ᱥᱟᱱᱛᱟᱞᱤ ᱯᱟᱹᱨᱥᱤ ᱫᱚ ᱥᱟᱱᱛᱟᱲ ᱡᱟᱹᱛᱤ ᱠᱚᱣᱟᱜ ᱯᱟᱹᱨᱥᱤ ᱠᱟᱱᱟ ᱟᱨ ᱥᱤᱧᱚᱛ ᱨᱮᱱᱟᱜ ᱒᱒ ᱜᱚᱴᱟᱝ ᱛᱟᱹᱞᱤᱠᱟᱹᱣᱟᱱ ᱯᱟᱹᱨᱥᱤ ᱠᱚ ᱢᱩᱫᱽᱨᱮ ᱢᱤᱫᱴᱟᱹᱝ ᱠᱟᱱᱟ᱾ ᱡᱷᱟᱨᱠᱷᱚᱸᱰ ᱟᱨ ᱯᱟᱹᱪᱷᱤᱢ ᱵᱟᱝᱞᱟ ᱨᱮ ᱱᱚᱣᱟ ᱯᱟᱹᱨᱥᱤ ᱨᱮᱭᱟᱜ ᱥᱚᱨᱠᱟᱨᱤ ᱢᱟᱹᱱ ᱢᱮᱱᱟᱜᱼᱟ᱾ ᱥᱟᱱᱛᱟᱲ ᱡᱟᱹᱛᱤ ᱫᱚ ᱥᱤᱧᱚᱛ ᱨᱮᱱ ᱡᱚᱛᱚ ᱠᱷᱚᱱ ᱢᱟᱨᱟᱝ ᱟᱹᱫᱤᱵᱟᱹᱥᱤ ᱜᱟᱫᱮᱞ ᱠᱚ ᱢᱩᱫᱽᱨᱮ ᱢᱤᱫᱴᱟᱹᱝ ᱠᱟᱱᱟ ᱠᱚ, ᱡᱟᱦᱟᱸ ᱨᱮᱭᱟᱜ ᱦᱚᱲ ᱞᱮᱠᱷᱟ ᱫᱚ ᱗ ᱢᱤᱞᱤᱭᱟᱱ ᱠᱷᱚᱱ ᱦᱚᱸ ᱡᱟᱹᱥᱛᱤ ᱟᱨ ᱱᱚᱣᱟ ᱠᱚ ᱢᱩᱬᱩᱛ ᱞᱮᱠᱟᱛᱮ ᱥᱤᱧᱚᱛ, ᱵᱟᱝᱞᱟᱫᱮᱥ, ᱵᱷᱩᱴᱟᱱ ᱟᱨ ᱱᱮᱯᱟᱞ ᱨᱮ ᱠᱚ ᱛᱟᱦᱮᱸᱱᱟ᱾ ᱥᱟᱱᱛᱟᱞᱤ ᱣᱤᱠᱤᱯᱤᱰᱤᱭᱟ ᱨᱮ ᱫᱚ ᱥᱟᱝᱜᱮᱼᱟᱱ ᱞᱟᱠᱪᱟᱨ ᱨᱮᱭᱟᱜ ᱢᱟᱱᱟᱣ ᱵᱟᱛᱟᱣ ᱨᱮ ᱱᱚᱣᱟ ᱠᱚ ᱥᱮᱞᱮᱫ ᱢᱮᱱᱟᱜᱼᱟ ᱢᱤᱫ ᱵᱟᱝ ᱥᱟᱢᱟᱝ ᱟᱠᱟᱱ ᱟᱹᱨᱤᱪᱟᱹᱞᱤ, ᱯᱚᱨᱚᱵᱽ ᱟᱨ ᱞᱟᱠᱪᱟᱨ ᱠᱟᱹᱦᱟᱹᱱᱤ ᱠᱳ ᱢᱮᱱᱟᱜᱼᱟ᱾ ᱥᱟᱱᱛᱟᱞᱤ ᱯᱟᱹᱨᱥᱤ ᱫᱚ ᱚᱞ ᱪᱤᱠᱤ ᱛᱮ ᱠᱚ ᱚᱞᱟ, ᱚᱠᱟ ᱫᱚ ᱑᱙᱒᱕ ᱨᱮ ᱯᱟᱸᱰᱤᱛ ᱨᱟᱹᱜᱷᱩᱱᱟᱛᱷ ᱢᱩᱨᱢᱩ ᱫᱚ ᱟᱲᱟᱝ ᱠᱳ ᱥᱚᱫᱚᱨ ᱞᱟᱹᱜᱤᱫ ᱛᱮᱭ ᱥᱟᱱᱛᱟᱞᱤ ᱯᱟᱹᱨᱥᱤ ᱫᱚ ᱚᱞᱪᱤᱠᱤ ᱨᱮᱭᱟᱜ ᱰᱤᱡᱟᱭᱤᱱ ᱫᱚᱭ ᱵᱮᱱᱟᱣ ᱞᱮᱫᱟ᱾ 

ᱥᱟᱱᱛᱟᱞᱤ ᱣᱤᱠᱤᱯᱤᱰᱤᱭᱟ ᱨᱮᱱᱟᱜ ᱮᱛᱚᱦᱚᱵ ᱟᱨ ᱩᱛᱱᱟᱹᱣ

ᱥᱟᱱᱛᱟᱞᱤ ᱣᱤᱠᱤᱯᱤᱰᱤᱭᱟ ᱨᱮᱱᱟᱜ ᱡᱟᱛᱨᱟ ᱒᱐᱑᱐ ᱥᱟᱞᱮ ᱨᱮ ᱣᱤᱠᱤᱢᱤᱰᱤᱭᱟ ᱤᱱᱠᱭᱩᱵᱮᱴᱚᱨ ᱨᱮ ᱮᱛᱚᱦᱚᱵ ᱞᱮᱱᱟ, ᱡᱟᱦᱟᱸ ᱫᱚ ᱱᱟᱶᱟ ᱯᱟᱹᱨᱥᱤ ᱨᱮᱱᱟᱜ ᱥᱟᱸᱥᱠᱟᱨᱟᱱ ᱞᱟᱹᱜᱤᱫ ᱢᱤᱫ ᱵᱤᱰᱟᱹᱣ ᱞᱮᱠᱟᱱ ᱴᱷᱟᱶ ᱨᱮ ᱛᱟᱦᱮᱸᱠᱟᱱᱟ᱾ ᱱᱚᱶᱟ ᱨᱮᱱᱟᱜ ᱯᱨᱟᱠᱨᱤᱭᱟ ᱒᱐᱑᱒ ᱥᱟᱞᱮ ᱨᱮ ᱞᱟᱦᱟ ᱠᱷᱚᱱ ᱮᱦᱚᱵ ᱞᱮᱱᱟ, ᱡᱚᱠᱷᱚᱱ ᱣᱤᱠᱤᱢᱤᱰᱤᱭᱟ ᱵᱟᱝᱞᱟᱫᱮᱥ ᱫᱤᱥᱚᱢ ᱨᱮᱱ ᱥᱟᱱᱛᱟᱞᱤ ᱜᱩᱴ ᱥᱟᱶ ᱠᱟᱹᱢᱤᱥᱟᱲᱟ ᱟᱨ ᱢᱤᱴᱟᱯ ᱠᱚ ᱥᱟᱯᱲᱟᱣ ᱞᱮᱫᱟ᱾ ᱱᱚᱶᱟ ᱠᱟᱹᱢᱤ ᱨᱮ ᱥᱟᱱᱛᱟᱞᱤ ᱯᱟᱹᱨᱥᱤ ᱜᱩᱴ ᱨᱮᱱᱟᱜ ᱥᱟᱹᱠᱷᱭᱟᱹᱛ ᱥᱮᱞᱮᱫ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱱᱚᱶᱟ ᱯᱨᱚᱡᱮᱠᱴ ᱫᱚ ᱠᱳ ᱞᱟᱦᱟ ᱞᱮᱫᱟ᱾ ᱟᱭᱢᱟ ᱵᱚᱪᱷᱚᱨ ᱨᱮᱱᱟᱜ ᱩᱛᱱᱟᱹᱣ ᱟᱨ ᱜᱩᱴ ᱛᱮᱭᱟᱨ ᱛᱟᱭᱚᱢ, ᱣᱤᱠᱤᱢᱤᱰᱤᱭᱟ ᱯᱟᱹᱨᱥᱤ ᱠᱚᱢᱤᱴᱤ ᱫᱚ ᱒᱘ ᱡᱩᱱ ᱒᱐᱑᱘ ᱥᱟᱞᱮ ᱨᱮ ᱥᱟᱱᱛᱟᱞᱤ ᱣᱤᱠᱤᱯᱤᱰᱤᱭᱟ ᱠᱚ ᱢᱟᱱᱟᱣ ᱞᱮᱫᱟ, ᱟᱨ ᱒ ᱚᱜᱚᱥᱴ ᱒᱐᱑᱘ ᱨᱮ ᱡᱚᱡᱟᱣᱮᱱᱟ᱾ ᱱᱚᱣᱟ ᱫᱚ ᱵᱷᱟᱨᱟᱛ ᱨᱮᱭᱟᱜ ᱳᱱᱠᱟᱱ ᱯᱟᱹᱦᱤᱞ ᱟᱹᱫᱤᱢ ᱯᱟᱹᱨᱥᱤ ᱠᱟᱱᱟ ᱚᱠᱟ ᱫᱚ ᱟᱯᱱᱟᱨ ᱣᱤᱠᱤᱯᱤᱰᱤᱭᱟ ᱥᱟᱱᱛᱟᱞᱤ ᱯᱟᱹᱨᱥᱤ ᱨᱮᱭᱟᱜ ᱚᱞᱪᱤᱠᱤ ᱟᱠᱷᱚᱨ ᱛᱮ ᱢᱮᱱᱟᱜᱼᱟ, ᱥᱟᱱᱛᱟᱞᱤ ᱯᱟᱹᱨᱥᱤ ᱨᱮᱭᱟᱜ ᱢᱩᱞ ᱞᱤᱯᱤ ᱫᱚ ᱚᱞᱪᱤᱠᱤ ᱠᱟᱱᱟ᱾ 

ᱱᱤᱛᱚᱜ ᱨᱮᱱᱟᱜ ᱦᱟᱞᱚᱛ ᱟᱨ ᱠᱷᱚᱵᱚᱨ

᱒ ᱟᱜᱟᱥᱴ ᱒᱐᱒᱕ ᱥᱟᱞᱮ ᱫᱷᱟᱹᱵᱤᱡ, ᱥᱟᱱᱛᱟᱞᱤ ᱣᱤᱠᱤᱯᱤᱰᱤᱭᱟ ᱨᱮ ᱑᱓,᱕᱐᱐+ ᱜᱚᱴᱟᱝ ᱚᱱᱚᱞᱠᱳ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱱᱚᱶᱟ ᱨᱮ ᱟᱹᱰᱤ ᱜᱮ ᱮᱱᱮᱢ ᱢᱮᱱᱟᱜᱼᱟ ᱾ ᱱᱚᱶᱟ ᱯᱞᱮᱴᱯᱷᱳᱨᱢ ᱫᱚ ᱯᱩᱨᱟᱹ ᱚᱞ ᱪᱤᱠᱤ ᱛᱮ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱥᱟᱱᱛᱟᱞᱤ ᱯᱟᱹᱨᱥᱤ ᱨᱚᱲ ᱦᱚᱲ ᱠᱳ ᱞᱟᱹᱜᱤᱫ ᱱᱚᱶᱟ ᱫᱚ ᱟᱹᱰᱤ ᱜᱮ ᱥᱩᱵᱤᱫᱷᱟᱜᱼᱟ ᱾ ᱱᱚᱶᱟ ᱨᱮ ᱱᱟᱱᱟᱼᱦᱩᱱᱟᱹᱨ ᱥᱟᱛᱟᱢ ᱠᱳ ᱢᱮᱱᱟᱜᱼᱟ, ᱡᱮᱢᱚᱱ ᱱᱟᱜᱟᱢ, ᱞᱟᱠᱪᱟᱨ, ᱥᱟᱬᱮᱥ ᱟᱨ ᱴᱮᱠᱱᱚᱞᱳᱡᱤ ᱮᱢᱟᱱ, ᱡᱟᱦᱟᱸ ᱫᱚ ᱥᱟᱱᱛᱟᱞᱤ ᱯᱟᱹᱨᱥᱤ ᱛᱮ ᱟᱭᱢᱟ ᱞᱮᱠᱟᱱᱟᱜ ᱜᱮᱭᱟᱱᱮ ᱥᱚᱫᱚᱨ ᱟᱵᱳᱱ ᱠᱟᱱᱟ᱾ ᱒᱐᱒᱐ ᱥᱟᱞᱮ ᱨᱮ, ᱵᱟᱨ ᱪᱟᱱᱫᱳ ᱨᱮᱱᱟᱜ ᱢᱤᱫ ᱚᱱᱞᱟᱭᱤᱱ ᱮᱰᱤᱴᱼᱟᱛᱷᱚᱱ ᱚᱠᱛᱚ ᱨᱮ, ᱥᱤᱧᱚᱛ, ᱱᱮᱯᱟᱞ ᱟᱨ ᱵᱟᱝᱞᱟᱫᱮᱥ ᱠᱷᱚᱱ ᱒᱐ ᱜᱚᱴᱟᱝ ᱥᱟᱱᱛᱟᱞᱤ ᱣᱤᱠᱤᱯᱤᱰᱤᱭᱟ ᱵᱮᱵᱷᱟᱨᱤᱭᱟᱹ ᱠᱳ ᱘᱖᱕ ᱜᱚᱴᱟᱝ ᱚᱱᱚᱞ ᱠᱳ ᱮᱱᱮᱢ ᱞᱮᱫᱟ, ᱡᱟᱦᱟᱸ ᱫᱚ ᱱᱚᱶᱟ ᱨᱮᱱᱟᱜ ᱩᱛᱱᱟᱹᱣ ᱨᱮᱱᱟᱜ ᱜᱟᱹᱛᱤ ᱠᱚ ᱩᱫᱩᱜ ᱥᱚᱫᱚᱨ ᱟᱠᱟᱫᱟ᱾

ᱮᱱᱮᱢᱤᱭᱟᱹᱠᱳ ᱟᱨ ᱜᱩᱴ ᱨᱮᱱᱟᱜ ᱮᱱᱮᱢ

ᱥᱟᱱᱛᱟᱞᱤ ᱣᱤᱠᱤᱯᱤᱰᱤᱭᱟ ᱫᱚ ᱢᱤᱫ ᱜᱚᱲᱚ ᱟᱱ ᱠᱟᱹᱢᱤ ᱠᱟᱱᱟ, ᱡᱟᱦᱟᱸ ᱨᱮ ᱢᱩᱬᱩᱛ ᱞᱮᱠᱟᱛᱮ ᱥᱤᱧᱚᱛ, ᱵᱟᱝᱞᱟᱫᱮᱥ ᱟᱨ ᱱᱮᱯᱟᱞ ᱠᱷᱚᱱ ᱥᱟᱱᱛᱟᱞᱤ ᱯᱟᱹᱨᱥᱤ ᱨᱚᱲ ᱦᱚᱲ ᱠᱳ ᱮᱱᱮᱢ ᱠᱳ ᱮᱢᱟ ᱾ ᱣᱤᱠᱤᱢᱤᱰᱤᱭᱟᱱᱥ ᱳᱯᱷ ᱥᱟᱱᱛᱟᱞᱤ ᱞᱮᱝᱜᱩᱣᱮᱡᱽ ᱭᱩᱡᱚᱨ ᱜᱽᱨᱩᱯ ᱱᱚᱶᱟ ᱨᱮᱱᱟᱜ ᱩᱛᱱᱟᱹᱣ ᱟᱨ ᱯᱨᱟᱪᱟᱨ ᱨᱮ ᱢᱩᱬᱩᱛ ᱮᱱᱮᱢᱼᱮ ᱮᱢᱟ᱾ ᱱᱚᱶᱟ ᱜᱩᱴ ᱫᱚ ᱥᱟᱶᱛᱟ ᱨᱮᱱᱟᱜ ᱥᱮᱞᱮᱫ ᱞᱟᱹᱜᱤᱫ ᱟᱨ ᱟᱹᱰᱤ ᱜᱮ ᱮᱱᱮᱢ ᱮᱢ ᱞᱟᱹᱜᱤᱫ ᱛᱮ ᱱᱤᱨᱚᱢᱤᱛ ᱠᱟᱹᱢᱤᱥᱟᱲᱟ, ᱮᱱᱮᱢ ᱟᱨ ᱢᱤᱴᱟᱯ ᱠᱚ ᱥᱟᱯᱲᱟᱣᱼᱟ ᱾ ᱒᱐᱑᱙ ᱟᱨ ᱒᱐᱒᱐ ᱥᱟᱞᱮ ᱨᱮ, ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱥᱟᱱᱛᱤᱱᱤᱠᱮᱛᱚᱱ ᱟᱨ ᱳᱰᱤᱥᱟ ᱨᱮᱱᱟᱜ ᱵᱷᱩᱵᱽᱱᱮᱥᱚᱨ ᱨᱮ ᱵᱮᱜᱟᱨ - ᱵᱮᱜᱟᱨ ᱠᱟᱹᱢᱤᱥᱟᱲᱟ ᱠᱳ ᱥᱟᱯᱲᱟᱣ ᱞᱮᱱᱟ, ᱡᱟᱦᱟᱸ ᱫᱚ ᱥᱟᱶᱛᱟ ᱨᱮᱱᱟᱜ ᱥᱮᱞᱮᱫᱼᱮ ᱩᱫᱩᱜ ᱥᱚᱫᱚᱨᱼᱟ᱾

ᱚᱨᱥᱚᱝ ᱟᱨ ᱯᱷᱟᱭᱫᱟ 

ᱥᱟᱱᱛᱟᱞᱤ ᱣᱤᱠᱤᱯᱤᱰᱤᱭᱟ ᱨᱮᱱᱟᱜ ᱮᱛᱚᱦᱚᱵ ᱟᱨ ᱩᱛᱱᱟᱹᱣ ᱥᱟᱱᱛᱟᱞᱤ ᱥᱟᱶᱛᱟ ᱨᱮ ᱟᱹᱰᱤ ᱜᱮ ᱚᱨᱥᱚᱝ ᱟᱠᱟᱱᱟ ᱾ ᱱᱚᱶᱟ ᱨᱮ ᱥᱟᱱᱛᱟᱞᱤ ᱯᱟᱹᱨᱥᱤ ᱨᱚᱲ ᱦᱚᱲ ᱠᱳ ᱟᱠᱳᱣᱟᱜ ᱜᱚᱜᱚ ᱯᱟᱹᱨᱥᱤ ᱛᱮ ᱠᱳ ᱵᱟᱰᱟᱭ ᱫᱟᱲᱮᱭᱟᱜᱼᱟ, ᱡᱟᱦᱟᱸ ᱫᱚ ᱥᱮᱪᱮᱫ ᱟᱨ ᱥᱤᱠᱷᱱᱟᱹᱛ ᱥᱮᱪᱮᱫ ᱨᱮ ᱟᱹᱰᱤ ᱜᱮ ᱜᱚᱲᱚ ᱟᱠᱟᱱᱟ ᱾ ᱱᱚᱶᱟ ᱥᱟᱱᱛᱟᱞᱤ ᱵᱟᱰᱟᱭ, ᱟᱹᱨᱤᱪᱟᱹᱞᱤ ᱟᱨ ᱱᱟᱜᱟᱢ ᱠᱚ ᱫᱚᱦᱚ ᱟᱨ ᱚᱞ ᱠᱟᱛᱮ ᱢᱤᱫ ᱥᱟᱛᱟᱢ ᱦᱚᱸ ᱠᱟᱱᱟ, ᱡᱟᱦᱟᱸ ᱫᱚ ᱟᱹᱰᱤ ᱜᱮ ᱵᱟᱹᱲᱛᱤ ᱥᱮᱡ ᱛᱮ ᱟᱠᱳᱣᱟᱜ ᱞᱟᱠᱪᱟᱨ ᱡᱚᱲᱟᱣ ᱫᱟᱲᱮᱭᱟᱜᱼᱟ᱾ ᱚᱱᱟ ᱥᱟᱶᱛᱮ, ᱱᱚᱶᱟ ᱯᱟᱹᱨᱥᱤ ᱨᱮᱱᱟᱜ ᱵᱮᱜᱟᱨ - ᱵᱮᱜᱟᱨ ᱟᱨ ᱥᱮᱞᱮᱫ ᱨᱮ ᱜᱚᱲᱚ ᱮᱢᱚᱜᱼᱟ, ᱡᱟᱦᱟᱸ ᱫᱚ ᱥᱟᱱᱛᱟᱞᱤ ᱯᱟᱹᱨᱥᱤ ᱨᱮᱱᱟᱜ ᱰᱤᱡᱤᱴᱟᱞ ᱡᱩᱜᱽ ᱨᱮ ᱯᱟᱷᱞ-ᱯᱷᱩᱞ ᱦᱩᱭ ᱫᱟᱲᱮᱭᱟᱜᱼᱟ ᱾ ᱒᱐᱒᱐ ᱥᱟᱞᱮ ᱨᱮ, ᱣᱤᱠᱤᱯᱤᱰᱤᱭᱟ ᱨᱮᱱ ᱛᱷᱟᱯᱚᱱᱤᱭᱟᱹ ᱡᱤᱢᱤ ᱣᱮᱞᱥ ᱫᱚ ᱱᱚᱶᱟ ᱨᱮᱱᱟᱜ ᱫᱚᱥᱟᱨ ᱥᱮᱨᱢᱟᱠᱤᱭᱟᱹ ᱨᱮ ᱣᱤᱠᱤᱯᱤᱰᱤᱭᱟ ᱥᱟᱶᱛᱟ ᱨᱮᱱ ᱥᱟᱨᱦᱟᱣᱮ ᱮᱢᱟᱱ ᱠᱳᱣᱟ, ᱡᱟᱦᱟᱸ ᱫᱚ ᱱᱚᱶᱟ ᱨᱮᱱᱟᱜ ᱢᱚᱦᱚᱛᱮ ᱠᱳᱭ ᱩᱫᱩᱜ ᱥᱚᱫᱚᱨᱼᱟ ᱾

ᱟᱜᱟᱢ ᱟᱨ ᱦᱩᱭᱩᱜ ᱞᱮᱠᱟᱱᱟᱜ 

ᱞᱟᱦᱟ ᱥᱮᱡ ᱤᱫᱤᱭᱟᱛᱮ, ᱥᱟᱱᱛᱟᱞᱤ ᱣᱤᱠᱤᱯᱤᱰᱤᱭᱟ ᱥᱟᱶᱛᱟ ᱫᱚ ᱟᱡᱼᱟᱜ ᱥᱟᱛᱟᱢ ᱟᱨ ᱥᱮᱴᱮᱨ ᱨᱮᱱᱟᱜ ᱩᱛᱱᱟᱹᱣ ᱫᱚᱦᱚ ᱞᱟᱹᱜᱤᱫ ᱮ ᱠᱩᱥᱤᱭᱟᱜᱼᱟ ᱾ ᱮᱴᱟᱜ ᱯᱟᱹᱨᱥᱤ ᱣᱤᱠᱤᱯᱤᱰᱤᱭᱟ ᱠᱷᱚᱱ ᱚᱱᱚᱞ ᱠᱚ ᱛᱚᱨᱡᱚᱢᱟ ᱞᱟᱹᱜᱤᱫ ᱟᱨ ᱥᱟᱱᱛᱟᱞᱤ ᱛᱮ ᱧᱮᱞ ᱨᱮᱱᱟᱜ ᱢᱩᱬ ᱥᱟᱛᱟᱢ ᱛᱮᱭᱟᱨ ᱞᱟᱹᱜᱤᱫ ᱛᱮ ᱭᱳᱡᱽᱱᱟᱠᱳ ᱢᱮᱱᱟᱜ ᱟᱠᱟᱫᱟ᱾ ᱚᱱᱟ ᱥᱟᱶᱛᱮ, ᱥᱟᱱᱛᱟᱞᱤ ᱣᱤᱠᱤᱯᱤᱰᱤᱭᱟ ᱫᱚ ᱥᱮᱪᱮᱫ ᱯᱟᱴᱷᱭᱟᱠᱨᱟᱢ ᱨᱮ ᱢᱤᱫ ᱛᱮ ᱥᱮᱞᱮᱫ ᱞᱟᱹᱜᱤᱫ ᱠᱟᱹᱢᱤ ᱠᱳ ᱪᱟᱞᱟᱜ ᱠᱟᱱᱟ, ᱡᱟᱦᱟᱸ ᱫᱚ ᱱᱚᱶᱟ ᱨᱮᱱᱟᱜ ᱞᱟᱵᱽ ᱟᱨ ᱚᱨᱥᱚᱝ ᱟᱹᱰᱤ ᱵᱟᱹᱲᱛᱤ ᱫᱚᱦᱚᱜᱼᱟ ᱾ ᱥᱟᱶᱛᱟ ᱨᱮᱱᱟᱜ ᱞᱟᱹᱠᱛᱤ ᱫᱚ ᱱᱚᱶᱟ ᱫᱚ ᱱᱚᱣᱟ ᱟᱹᱰᱤ ᱥᱩᱵᱤᱫᱷᱟ ᱟᱨ ᱯᱷᱟᱭᱫᱟ ᱞᱮᱠᱟᱛᱮ ᱵᱮᱱᱟᱣᱚᱜᱼᱟ, ᱵᱤᱥᱮᱥ ᱠᱟᱛᱮ ᱱᱟᱣᱟ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ ᱾

ᱱᱤᱥᱠᱟᱨᱥ

ᱥᱟᱱᱛᱟᱞᱤ ᱣᱤᱠᱤᱯᱤᱰᱤᱭᱟ ᱫᱚ ᱰᱤᱡᱤᱴᱟᱞ ᱯᱞᱮᱴᱯᱷᱳᱨᱢ ᱛᱟᱞᱟ ᱛᱮ ᱟᱹᱰᱤ ᱜᱟᱱ ᱞᱤᱪᱟᱹᱲ ᱯᱟᱹᱨᱥᱤ ᱠᱳ ᱟᱨ ᱥᱟᱶᱛᱟ ᱠᱚ ᱥᱟᱠᱟᱢ ᱨᱮ ᱫᱚᱦᱚ ᱠᱟᱛᱮ ᱢᱤᱫ ᱫᱟᱹᱭᱠᱟᱹ ᱠᱟᱱᱟ ᱾ ᱱᱚᱶᱟ ᱫᱚ ᱜᱚᱲᱚᱼᱟᱱ ᱨᱮᱱᱟᱜ ᱫᱟᱲᱮ ᱟᱨ ᱯᱟᱹᱨᱥᱤ ᱨᱮᱱᱟᱜ ᱵᱮᱜᱟᱨ - ᱵᱮᱜᱟᱨ ᱫᱚᱦᱚ ᱠᱟᱛᱮ ᱞᱟᱹᱠᱛᱤ ᱨᱮᱱᱟᱜ ᱞᱟᱹᱭ ᱥᱚᱫᱚᱨᱼᱟ ᱾ ᱱᱚᱶᱟ ᱫᱚ ᱵᱟᱹᱲᱛᱤᱜ ᱠᱟᱱ ᱚᱠᱛᱚ ᱨᱮ, ᱥᱟᱱᱛᱟᱞᱤ ᱣᱤᱠᱤᱯᱤᱰᱤᱭᱟ ᱫᱚ ᱥᱟᱱᱛᱟᱞ ᱦᱚᱲ ᱠᱚ ᱟᱨ ᱚᱱᱟ ᱠᱷᱚᱱ ᱟᱨᱦᱚᱸ ᱵᱟᱹᱲᱛᱤ ᱞᱮᱠᱟᱛᱮ ᱞᱟᱠᱪᱟᱨ ᱟᱨ ᱥᱮᱪᱮᱫ ᱨᱮᱱᱟᱜ ᱪᱤᱛᱟᱹᱨ ᱨᱮ ᱢᱩᱬᱩᱛ ᱮᱱᱮᱢᱼᱮ ᱫᱚᱦᱚᱭᱟ᱾

        =========